الروح راحـــــــــــــــــــــــــت

من طرف **آهات فلسطين** الأحد مايو 08, 2011 5:18 pm

البارحه نفسي من الهم في كبت
	وامواج حزني بالحنايا رفيعه
جرح الضماير ملتهب ما بعد طبت
	والقلب ينهاني ولا كنت اطيعه
حتى نظرت عيونها السود وانصبت
	ورموش تذبح كالرماح السريعه
نعسا تذوب من نظرها وانا ذبت
	وان سلهمت سلهامها ما استطيعه
والشوق يدفعني لها وان تقربت
	تبعد وتجرح خاطري بالقطيعه
تطري علّي دايم مع ليلة السبت
	ذكرى وصارت في حياتي طبيعه
لا جيت ابرقد في منامي تقلبت
	سهران كالمرضان واشكي الوجيعه
زرعت حبي عندها بس ما نبت
	وهي تجازيني الجفا والخديعه
من شاف حالي قال لي ليه ما تبت
	ومن باع حبك لازم انك تبيعه
يا قلب انا اللي فيك والله تسببت
	لا تضيق دامك فالحياة الوسيعه
قلت الصبر ارحم ولكن تعذبت
	والروح راحت في غلاها وديعه