مصطلحات الشباب
3 مشترك
صفحة 1 من اصل 1
مصطلحات الشباب
آلسلآم عليكم
اليوم جبتلكم كلمات الشباب
ان شاءلله تعجبكم
عطه من الرخيص = اكذب عليه
ازرفها = اسرقها
أروح ملح = أنا أذوب
الدبج = الضرب
سقها = ضف وجهك
الزبدة= قل خلاصة الكلام
سنايدي = الشيء الرهيب
تبزوط = تستهبل
اسحب عليه = اتركه و رح شوف غيره
سياحي = الشيء التافه
مايمديك = صعب عليك توصله
اجحد = انفي او اكذب
تبطي عظم = مافيه أمل
روقنا = خلنا في حالنا
اطلع منها = خلك بعيد
اقلاع = اعلى مستويات الدشرة
نص لفة = مهبول
عطه خير = امش و خليه او مشييه
مهوجس = سرحان
انت جنط = غبي
وهذي بعض التعريفات النجديه
المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...
السلنتح : قليل الأدب
جحلط ( بتشديد اللام ) : : وهم مرحلة متقدمة للسلنتح
مزّلب : يعني بايعها بتراب !
مخفه : وهو الشخص اللي ماعنده ماعند جدة جدتي ...!!...ويصدق أي شيء يقال له
المسبة أو المسبوة : : هو الشخص اللي يكون مروع في صغره لدرجة أنه يصبح شبه فاقد للعقل ...
الفاهي : : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه
الحقنه : : هو الشخص الغثيث اللي ما يفكك لين تعطيه اللي يبيه منك
العربجي : هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس
المطفوق : مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري
السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.
السمرمدي : وهو من نفس فصيلة السربوت.
الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه
الملكع : أما هذا فيعرف حتى السكن(اي الجن ) و مقطع السمكة و ذيلها
وهذي مصطلحات خاصه بنجد (سدير_القصيم _ والوشم _ وعاد الي ماتفهمونه يكون سديراوي ومايفهمه الا اهل سدير مثلي _والي مايفهم شي يقول لي عشان اشرح له شرح مفصل ووافي <***** اخس ياالمعجم اللغوي هههههههه
" مير "
اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك
" غديه "
وتعني : كوده !! ،، وفسر الماء بعد الجهد بالماء
" ومصع "
دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن
واخزياه "
مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق "
" أويق "
هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، منيره : أبد ، أويق على اللي يفحطون
" أعبطه "
أعجنه واسويبه فطاير
حوّل "
وراكم طيرتوا عيونكم فيني ، ترى منيب بالنجدة ، بس حوّل يعني : انزل
" شنق "
تعني : جهة
" نيم "
وتعني : نائم
" تهقى "
تعني : تظن؟ ، والاسم منها " هقوتي " اي أغلب ظني ،، مثال : حصة : تهقين نورة تجي ؟
" بوه "
أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي
روح الغلا- مراقبة قسم نقاشات همس الطفولة
- عدد المساهمات : 27
نقاط : 63
تاريخ التسجيل : 28/04/2011
رد: مصطلحات الشباب
[ندعوك للتسجيل في المنتدى أو التعريف بنفسك لمعاينة هذه الصورة]
إكسير الطفولة- مشرفة قسم كلام نواعم
- عدد المساهمات : 112
نقاط : 236
تاريخ التسجيل : 20/04/2011
العمر : 28
الموقع : في قلب طفلة
رد: مصطلحات الشباب
هههههههههههههههه اما مصطلحات تحفة ههههه
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى