حبيبي لو تطوف الكون

حبيبي لو تطوف الكون
حبيب(ن) مثلي ما تلاقي

يحبك و يعشقك بجنون
و حبك في النبض باقي

خذاني الشوق لاحلى عيون
و جيتك احمل اشواقي

على قلبي حبيبي تمون
تدلل بطبعك الراقي

ماني بشاعر المليون
و غارق بزحمة اوراقي

انا قلب(ن) بالوفا مشحون
و حبي تشوفه باحداقي

تريد العمر!؟تراه يهون
خذ اللي فات و الباقي

و لو تسألني حالي اشلون؟
في بعدك...الحزن باعماقي

بالحيرة القلب مسجون
كيف تقدر على فراقي!؟

حبيبي فيك انا مفتون
و نار هجرك ماتنطاقي