منتدى همس الطفولة

يالب قلبه كل ماقال لبيه

استعرض الموضوع السابق استعرض الموضوع التالي اذهب الى الأسفل

يالب قلبه كل ماقال لبيه

مُساهمة من طرف آهات فلسطين في الجمعة أبريل 29, 2011 3:02 pm

يالبى قـلبه/ كل ما قــال|لبــيه|
..............ويالبى صـــوته/ كل ما قال :لي هــاه
بالحالتين ان ترجمت شفته / إيـه
..............أضـــيع مـن كلي وادورنــي ما القـاه

يشل عقلي كل ما جيت أحاكيــه
..............وأنسى أني أصلاً/ كنت في شي أبغاه

أذوب في حرفه وصوته يحليــه
.................واللي يجنـــني إذا حـــرّك إشـــــفاه

وتعانقت من نشوة الشوق/ والتيه
.............. وش حيلتي غير التناهيـــــــد والآه

يضماه سمعي وانتظر لين يرويه


................ والمشكله حتى وهو يمـــي أضمـــاه

حُبه مثل | طـيرٍ|يبي بيت يأويــــــه
.............. وانا ادري انه داخل القلب مــأوآه

وحده بقلبي دوم محدٍ يســـاويه
.............. وانا بقلبه طول هالعـــــمر أمــلاه

الشوق محدٍ غير صوته يداويه
.............. ويجــذ نار الغيض فيني من اقصاه

صوته مطـر في جيته/ في تجليــه
.............. تطفي عذوبة قطرته شوق مضناه

صوته صدى تغريد طيرٍ يغنيــــه
.............. صوته نسيم الصبح في طلعة إضياه

صوته نغــم تطربني رقة اغانيه
.............. صوته عليه أدمنت ودواي من داه

صوته هدير الموج لامر شاطيه
.............. وانا بشوقي كل ماالريــــــح وداه

يذهل شعوره مسمعي كل مدعيه
.............. كـني على ضفة بحــر يحتري مــاه

أرقب طيوفه كل ما زارني فيــه
.............. ويدق قلبــــي كل ما مر طريــــــاه

وان حظّني وقتي بشوفه اداريه
.............. عن كل مخلوقٍ يضره وانا معـــاه

ما ودي حتى الشوك تلمس برجليه
.............. واغار من نسمه/ تداعب محيــــاه

والود ودي وسط عيني أخلـــيه
.............. والحفـه رمشي وبالعين أدفـــــاه

واضمه بصدري وألمه واراعيه
.............. واقبله من هامته لين ما طـــــاه

يعيش بي حلمٍ سرقني بيديــه
.............. واعيش به واقع مَلك كل ما جاه

لين أوصل بشوقي لحده واناديه
.............. واحاول القاني وانا ضايع ويــــاه

ويرد لي من رقة إشفاه | لبيه |
.............. واضيع من ثاني /وانا اقول له |هاه..!|

آهات فلسطين
مراقبة قسم قصائد همس الطفولة
مراقبة قسم قصائد همس الطفولة

عدد المساهمات : 147
نقاط : 358
تاريخ التسجيل : 16/04/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى